பனியுமில்லை வெயிலுமில்லை... புதிதாய் நிலவுமோர்... இரட்டைக்காலம்

கதிரும் நிலவுமாய் நீ..........
ஒருநாள் துயர் நீ..
மறுநாள் துணை நீ...

எனை நான் கண்டுகொள்ள
நாசி நுழைந்த சுவாசம் நீ

இளமாலைப் பொழுதில்
வெண்பனிப் பூக்கள்
சிந்தும்
வான்முகிலின்
வளர்ப்புமகளா இவள்?


குளிர்கால மேகம் சிதறிப்போகும்
குளிராத தேகம் இவளுக்கு
இறுக்கி அணைத்து
இளைப்பாறிக்கொள்வாள்
தன் காதலை...


இதழ் சொட்டும் வார்த்தையில்
இதயம் மயங்கித்தான் போகும்
கடைக்கண்ணால்
இவள் எய்யும் அம்புகளுக்குச் சமமாய்

அர்ஜுனனின் வில்லுக்கு
வலிமை தோற்கும்.


முன் பனி..
முழுமதி........
மழைக்குடை....
வெயில் நிழல்.....
வெட்க்கபந்தி............

இவையெல்லாம் நீயானால்...

உன்னைச்சமைத்து காதல் தொட்டுக்கொள்ளப்பார்க்கிறேன்
காலை உணவிற்கு..

மௌனம் கலைத்து மழையாய்
பொழிவாயே
உன் செவ்விதழால் வருடும்

அந்த முத்தமழைக்கு ஏங்கி
தாகமாயுருக்கும் என்னை
அணுவுக்கும் இடைவெளி இல்லாமல் நனைத்துவிட்டுப்போனால்
என்ன...?

சைவ அசைவம் பார்த்தா சமிக்ஞை புரிந்தாய்
விரலால் தீண்டியதும்
பட்டென கன்னம் விழும் அந்த நிமிடம்
இறந்து பிறக்கும்
என்னை

இன்னும் இன்னும் எத்தனை ஜென்மம் செய்வாய்..


நான் கிறுக்கலாய்ச்செய்யும் அத்தனையும் ரசித்தாய்
நான் ரசித்து எழுதும் அத்தனை கவிதையையும்
கிறுக்கல் என்றாய்..

அடி...
முரண்காற்றுக்கிளைய
தென்றலானவளே
என்னத்தான் செய்யப்போகிறாய்

எப்போது இதயம் கொய்யப்போகிறாய்
என ஒவ்வொரு நிமிடமும்
தட்பவெட்பம் தடுமாறும்
என்னை

தலைக்கோதி
மார்போடனைக்கும் உன் தேகச்சரணடைய
காற்றுக்குமிழிக்குள்
மூச்சைப்பிடித்து நிற்கும்
என்னை

மேகக்கூட்டுக்குள்
முத்தெடுக்கவெண்ணி
தலைகீழ் வனத்தில் நிலை கொள்லாமல்
திரியும் என்னை


அய்யோ!
போதும் இன்னும் எத்தனை “என்னை”
போட்டாலும் நீ வரப்போவதில்லை
எனத்தெரிந்தும்
புலம்பும் என்

புலம்பெயர்ந்த இதயத்தை
புதைத்த இடமாவது சொல்லிப்போயேன்..!

மிச்சமாய்.....!

ஒற்றை வானம் ..
இரட்டைக்கூடல்..
மிச்சத்துளிகள்..
மீந்து போன நிலவு...!

நாணத்தால்....!

நீ கடந்து
போகும் போது
காற்றிலசைந்த
உன் துப்பட்டாவின்
நூலொன்றி சிக்கிய
நாணத்தில்
சிவந்து போன மரம்...!

பூக்கள் சிவந்து கண்டிருக்கிறேன்
பூமரத்தையும் சிவக்கச்செய்தாயே!

நாணல்...

வெள்ளி மலையுருகி
வீழ்ந்து கிடக்குதென் வானம்..!

தண்ணீர்ப்பொய்கையில்
லயித்துப்போகிறேன் நானும்...!

கலைந்த மேகத்துக்கிடையில்
அலைந்து திரியும்
தென்றலுக்கும் எனக்கும்
முகவரி என்று ஏதுமில்லை..!

கரைப்யோரம் முளைவிட்ட
நாணலாய்...!
நானும்

காற்றசைக்கும் திசைக்கெல்லாம்
வளைந்து கொடுக்கிறேன்...!

ஆனாலும் சாயாது நிற்கும்
சிறு வேர்கள்
உதவியில்
எனக்கான திசையாம் வான்
நோக்கியே...!

-இனிய மாலை வணக்கம்..!

ஃஃஃகார்த்திக் ராஜாஃஃ

வெள்ளி மலையுருகி
வீழ்ந்து கிடக்குதென் வானம்..!

தண்ணீர்ப்பொய்கையில்
லயித்துப்போகிறேன் நானும்...!

கலைந்த மேகத்துக்கிடையில்
அலைந்து திரியும்
தென்றலுக்கும் எனக்கும்
முகவரி என்று ஏதுமில்லை..!

கரைப்யோரம் முளைவிட்ட
நாணலாய்...!
நானும்

காற்றசைக்கும் திசைக்கெல்லாம்
வளைந்து கொடுக்கிறேன்...!

ஆனாலும் சாயாது நிற்கும்
சிறு வேர்கள்
உதவியில்
எனக்கான திசையாம் வான்
நோக்கியே...!

சின்னவண்ணப்பூக்கள்
சிந்தும் தேன் அருந்த

தும்பியாய் மாறுகிறேன்..!


கற்கள் மலைப்பாதை
கடந்து நான் போக

காற்றாய் மீளுகிறேன்..!


என் எழுத்தின்
கறைபடாத இடங்களின்
இயற்கை குடியிருப்புகளை
கவிதை தினம் செய்ய

கடந்தே ஓடுகிறேன்..!

ஃஃஃகார்த்திக் ராஜாஃஃ

பிறந்த நாள் வாழ்த்து...!

தேவதைகளின் கூட்டத்தில் 

இன்று புத்தம் புதியதாய் 

பூத்த ஊதாப்பூவிவள்...

அண்மையில் தொலைவைத் 

தொலைத்து அன்பில் 

தங்கையாய்...!

என் பாசத்திற்குரியவள்..!

மேகங்கள் நிறம் மாறும் 

மழை நீருக்கு நிறமில்லை 

இவள் செல்லக்கோபங்கள் 

உள்நுழைந்திருக்கும் 

பாசமும் அப்படித்தான்..

சுற்றும் பூமியில்
சிறகு மட்டும் எனக்கிருந்தாள்
இன்றே பறந்து போய்
என் தங்கையை
ஆரத்தழுவிக்கொள்வேன்..!

நவம்பரில் பிறந்த
நட்ச்சத்திரமிவள் மேல்
தீராத பாசம் பொன்னொளியாய்
மின்னி இருக்கும்..!
என்நாளும்..!

இணையத்தொட்டிலில்
நட்பின் கருவில்
பிறந்து உறவுகளைத் தாண்டி..
உண்டென்று உணர்த்தும் கூட்டத்தில்

உருவெடுத்த நிலவிவள்

தெருவிளக்கின் கீழே
விளியாடிய சிறுமி என்றே
சீண்டிப்பர்த்தால் சித்த மருத்துவம் சொல்லி
சிந்தைகலங்கச்செய்தவள் ...!

பலகனவுகள் தாண்டி
திசைகாட்டி நீண்டும் என்றும் தொடர்ந்திடும்
இவள் பாசம் ..!

மனதிலிருக்கும் நேசம்
எழுத்தில் கொண்டுவரத்தெரியவில்லை
எடுத்துச்சொல்ல தேவை இல்லை
என்நாளும்
நிலைக்கும் இந்த அன்பு...!


இனிய வாழ்த்துக்கள்
இரட்டைகுழலியாய்... வந்துன்னைச்சேரும்
நிலவைச்சுமக்கும் நிலவினுக்கு
நித்தம் எந்தன் வாழ்த்திருக்கு..!


இனிய பிறந்த நாள் வாழ்த்துக்கள்
தங்கையே...!

என்றும் அன்பில்


-தமிழ் அருவி

நண்பர்களின் கூடாரம்...: மிகப்பெரிய சிலைகளும், ஆலயங்களும் ....இன்னும் சில...

நண்பர்களின் கூடாரம்...: மிகப்பெரிய சிலைகளும், ஆலயங்களும் ....இன்னும் சில...

மிகப்பெரிய சிலைகளும், ஆலயங்களும் ....இன்னும் சில...

இயேசு கிறிஸ்து:

 உலகின் மிகப்பெரிய ஏசுநாதர் சிலை போலந்து நாட்டில் உள்ள மேற்கு மாகாணமான சுவிபோட்டிசன் மலைப்பகுதியில் நிறுவப்பட்டது. போலாந்து நாட்டின் முக்கிய சுற்றுலாத்தலமான இந்த பகுதியில் இந்த சிலை நிறுவப்பட்டு்ள்ளதால். 




ஏராளமான சுற்றுலாப்பயணிகள் வருவர் என எதிர்பார்க்கப்படுகிறது. மொத்தம் 33 மீட்டர் உயரமு்ம், 17 மீட்டர் அகலமும் உடைய இந்த சிலையை அந்நாட்டின் தலைமை மதகுருவான சில்வைஸ்டர் சுவாட்ஸிகி என்பவர் வடிவ‌மைத்துள்ளார். நாட்டின் பெருமைமிக்க இந்த சிலை திறப்பு விழாவில் 20 ஆயிரத்திற்கும் மேற்பட்ட‌ோர் கலந்து கொண்டனர்.
சிலையின் பீடம் அருகே போலாந்து நாட்டு தேசிய ‌கொடி ஏற்றி வைக்கப்பட்டது. ஞாயிற்றுக்கிழமை என்பதால் அங்கு பிரார்த்தனையும் நடந்தது. இதற்கு முன்பு மிகப்பெரிய ஏசு சிலை பிரேசில் நாட்டின் ரியோ-டி- ‌ஜெனிரோவில் உள்ளது. அதனை இந்த சிலை முறியடித்துள்ளது.


முருகன் :-
மலேசியாவில் தமிழர்களோடு சீனர்களும் அதிகம் வழிபடும் ஆலயம் பத்து மலை குகை முருகன் கோவில். இது மலேசியத்தலை நகர் கோலாலம்பூரை அடுத்த 13 கி.மீ தொலைவில் இருக்கிறது. பத்து மலைக்குகையில் உள்ள ஒரு சிறிய கற்பாறை வேல் வடிவத்தில் இருப்பதை கண்ட பக்தர் ஒருவர் ஒரு மூங்கிலை ஊன்றி வேலாக நினைத்து வழி பட்டு வந்தார், தமிழகத்தின் நாகப்பட்டினத்தைச்சேர்ந்த  கயோராகணம் பிள்ளை என்பவர் பின் ஆலயம்


எழுப்பினார். 

                                             

1891-ல் கோவில் எழுப்பப்பட்டது .1938-ல் 272 படிக்கட்டுகள் கொண்ட 3 வழிப்பாதை அமைக்கப்பட்டது. தற்போது இக்கோவிலின் வாயிலில் தங்க நிறம் பூசப்பட்ட மிகப்பெரிய வேல் தாங்கி நிற்கும் முருகன் சிலை நிறுவப்பட்டது. இதன் உயரம் 42.7 மீட்டர் அதாவது 140.09 அடிகள்.
  இந்திய ருபாய் மதிப்பில் 2 கோடியே 40 லட்சம் செலவழித்து 2003 -ஆம் ஆண்டில் தொடங்கி 2006 -ம் ஆண்டில் நிறைவுபெற்ற இந்த முருகன் சிலை உலகில் மிகப்பெரிய முருகன் சிலை..

நடராஜர் :- அருள்மிகு நடராஜர் கோயில், நெய்வேலி -       கடலூர்மாவட்டம் அருகே அமைந்துள்ள நடராஜர் இங்குள்ள நடராஜரின் உயரம் 10 அடி 1 அங்குலம். அகலம் 8 அடி 4 அங்குலம்.  எடை 2 ஆயிரத்து 420  கிலோ. இதுவே உலகின் மிகப்பெரிய நடராஜர் சிலை.   (இதுவா? )  இதை கின்னஸ் புத்தகத்திலும் இடம் பெற வைக்க முயற்சி நடக்கிறது. இச்சிலை ஐம்பொன்னால் ஆனது. நடராஜரின் அருகிலுள்ள சிவகாமி அம்பிகையின் சிலை 7 அடி உயரமும், 750 கிலோ எடையும் கொண்டது.

வவுனியாவில் அமைக்கப்படவுள்ள உலகின் மிகப்பெரிய புத்தர் சிலை

உலகில் மிகப் பெரிய புத்தர் சிலையை சிறிலங்கா அரசாங்கம் வவுனியாவில் அமைக்கவுள்ளது.




சமாதி நிலையில் அமையவுள்ள இந்தப் புத்தர் சிலையை கல்வி, பண்பாடு, சமூக சேவைகளுக்கான அனைத்துலக நட்புறவு சங்கத்தின் உதவியுடன் சிறிலங்கா அரசாங்கம் நிறுவவுள்ளது.

சிறிலங்காவின் தொல்பொருள் திணைக்களப் பணிப்பாளர் சேனாரத் திசநாயக்கவின் துணையுடன் இந்தப் பாரிய புத்தர் சிலையை அமைக்கவுள்ளதாக கல்வி, பண்பாடு, சமூக சேவைகளுக்கான அனைத்துலக நட்புறவு சங்கத்தின் நிறுவுனர் பிலப்பிட்டிய பஞ்ஞதிஸ்ஸ தேரர் தெரிவித்தார்.

விடுதலைப் புலிகளுக்கு எதிரான போரில் பங்கேற்ற சிறிலங்காப் படைவீரர்களைப் போற்றி கௌரவிக்கும் வகையிலேயே இந்தப் புத்தர்சிலை அமைக்கப்படவுள்ளதாகவும் அவர் தெரிவித்தார்.

இந்த புத்தர் சிலை அமைக்கும் திட்டத்துக்கு 1000 மில்லியன் ரூபாய் செலவிடப்படவுள்ளது.

522 அடி உயரம் கொண்டதாக அமையவுள்ள இந்தப் புத்தர் சிலை உலகிலேயே அதிக உயரம் கொண்ட புத்தர் சிலையாக இருக்கும்.

உலகின் மிகப்பெரிய மசூதி :-

ஒரே நேரத்தில் 40 ஆயிரம் முஸ்லிம்கள் தொழுகை நடத்தவல்ல மிகப்பெரிய மசூதி, ஐக்கிய அரபு குடியரசின் தலைநகரில் ரூ. 4 ஆயிரத்து 600 கோடி செலவில் அமைக்கப்பட்டு வருகிறது. இது உலகில் உள்ள மிகப்பெரிய மசூதிகளில் மூன்றாவது இடத்தை பெறவுள்ளது. ஐக்கிய அரபு குடியரசு நாடுகளின் தலைநகர் அபுதாபி. பிற குடியரசு நாடுகளில் இருந்து தலைநகர் அபுதாபி நோக்கிச் செல்லும் நெடுஞ்சாலையில் மக்தா முஸ்தபா பாலத்திற்கு அருகே மிகப்பெரிய மசூதி அமைக்கப்பட்டு வருகிறது. இந்த மசூதியை அமைக்க முன்னாள் ஜனாதிபதி மறைந்த ஷேக் சையது பின் சுல்தான் அல் நகியான் விருப்பப்பட்டார். இது குறித்து அவர் தனது வாரிசுகளிடம் கூறியிருந்தார். அவரது கனவை நனவாக்கும் விதத்தில், தற்போது மசூதி அமைக்கப்பட்டு வருகிறது. உலகிலேயே, மிகப்பெரிய மசூதிகள் தற்போது முஸ்லிம்களின் புனித நகரான மெக்கா மற்றும் மதீனாவில் மட்டுமே உள்ளன.

முதல்கட்டப்பணிகள் வரும் செப்டெம்பர் மாதம் முடிவடைந்துவிடும். மீதமுள்ள பணிகளை ஒரே நேரத்தில் 40 ஆயிரம் பேர் தொழுகை நடத்தக்கூடிய மிகப்பெரிய மசூதி அமைக்கும் பணிகள் ஆரம்பம் விரைவில் முடித்து விடவும் நடவடிக்கைகள் மேற்கொள்ளப்பட்டு வருகிறது. மசூதியின் சுற்றளவு 41 ஆயிரத்து 222 சதுரமீற்றர். ஒரே நேரத்தில் 40 ஆயிரம் பேர் தொழுகை நடத்தவும் விசாலமான இடம் உள்ளது. மசூதி அமைக்க திட்டமிடப்பட்டுள்ள தொகை 217 கோடி திர்ஹம் (4600 கோடி ரூபாய்).

முன் ஹாலில் தொழுகைக்கான சிறப்பு அரங்கில் 5 ஆயிரத்து 627 சதுர மீற்றர் பரப்பில் போடப்பட உள்ள தரை விரிப்பு (கார்பெட்) விசேஷமாக தயாரிக்கப்பட்டு வருகிறது. இந்த தரைவிரிப்பை கையினால் நெய்யும் பணியில் ஆயிரத்து 200 தொழிலாளர்கள் ஈடுபட்டுள்ளனர் என்பதும் இதற்கான செலவு மட்டும் 32 கோடி ரூபா என்பதும் குறிப்பிடத்தக்கது.

பாலம் :- 

துருக்கியில் உலகின் மிகப்பெரிய தொங்குபாலம்

உலகின் மிகப்பெரிய தொங்கு பாலத்தை அமைப்பதற்கான வரைபடப் போட்டியில் டேனிஸ் நிறுவனமான கோவி லுங்புய் வெற்றி பெற்றுள்ளது. உலகத்தின் நான்கு பெரிய தொங்கு பாலங்களில் ஒன்றாக அமையவுள்ள இஸிமிற்பே பாலம் 1500 மீட்டர் நீளம் கொண்டது, மொத்த நீளம் மூன்று கி.மீ ஆகும். துருக்கியின் தலைநகர் இஸ்தான்புல்லுக்கும் – இஸ்மிற் நகரத்திற்கும் இடையே இது அமைக்கப்படவுள்ளது. எதிர்வரும் 2015ம் ஆண்டு இது அமைத்து முடிக்கப்படும்.