கவிதைக்காரன் [நண்பர்களின் கூடாரம்]

சிறகடித்த இமைப்பறவை
சிறைப் பிடித்த சந்தோசம்
உறவெடுத்த விழிப்பாவை
ஊடுருவல் உற்சாகம்
ஊற்றெடுக்கும் நீர்க் கோர்வை
உள்ளுணர்வின் ஊர்கோலம்
மாற்றம் பெறும் சுவாசத்தின்
மனம் போடும் கைத்தாளம்
கட்டுப்படும் இதழ் முகப்பில்
வெட்டுப்படும் உணர்வாகும்
சிட்டு அவள் தலைக்கவிழ்ப்பு
மானத்தின் தற்காப்பு
விட்டு விட்டு சிதறிவரும்
வார்த்தைகளின் சுவை கோர்ப்பு
சொட்டு சொட்டாய் சுகம் பரப்பும்
வதனத்தின் நிறமாற்றம்
கட்டு கட்டாய் அள்ளிவரும்
காதலின் கலையாகும்...

பகிர்வு தோழர் குமரன் முத்து